ఈ పుట ఆమోదించబడ్డది
రేకు: 0002-04 సామంతం సం: 01-010 వైష్ణవ భక్తి
పల్లవి: సహజ వైష్ణవాచార వర్తనుల-
సహవాసమె మాసంధ్య
చ. 1: అతిశయమగు శ్రీహరిసంకీర్తన
సతతంబును మాసంధ్య
మతి రామానుజమతమే మాకును
చతురతమెఱసిన సంధ్య
చ. 2: పరమభాగవతపదసేవనమే
సరవి నెన్న మాసంధ్య
సిరివరుమహిమలు చెలువొందఁగ వే-
సరక వినుటె మాసంధ్య
చ. 3: మంతుకెక్క తిరుమంత్రపఠనమే
సంతతమును మాసంధ్య
కంతుగురుఁడు వేంకటగిరిరాయని-
సంతర్పణమే మాసంధ్య
