పుట:తరికొండ నృసింహశతకము (తరికొండ వేంగమాంబ).pdf/97

ఉ.⁠

భేదము లేక, సర్వము నభేదముగాఁ బరిణామపూర్ణుఁడై, బాధకదేహమందు బహుభావము దోఁచి సదాస్వరూపుఁడై మోదముఁ జెందుచుండఁగను, పొందుగ నా సుధ జీవి యింకఁ గా కోదరమంత గ్రోలుఁ; దరిగొండ నృసింహ! దయాపయోనిధీ!

⁠ 84

భావం:

దయాసముద్రుడవయిన శ్రీతరిగొండ లక్ష్మీనృసింహదేవా! చిత్తగించు! జీవుడు ఐహికములైన అనేకబాధలతో గూడియున్న ఈదేహంలో ఉంటూవున్నప్పటికీ, స్వ, పరభేదభావన లేనివాడై, సమస్తం ఆ భగవంతుని స్వరూపంగానే పరిపూర్ణంగా సంభావిస్తూ, సహస్రారంనుండి స్రవించే అమృతాన్ని కుండలినీయోగం ద్వారా పానంచేస్తూ, సదా ఆనందస్వరూపుడై మోక్షసామ్రాజ్యాన్ని చూఱగొంటూ వుంటాడు కదా?