పుట:తరికొండ నృసింహశతకము (తరికొండ వేంగమాంబ).pdf/38

ఉ.⁠

సారములేని సంసరణసర్పము చేతికిఁ జిక్కలేక, యా తేరకు లేని యాసలను దెచ్చుక యింక నటింపలేక, యా పారము లేద యెక్కడికిఁ, బాపము మాయెడ వాంఛఁజేసె; నీ ఘోరముఁ బాపవయ్య! తరిగొండ నృసింహ! దయాపయోనిధీ!

⁠ 25

భావం:

దయాసముద్రుడవయిన శ్రీతరిగొండ లక్ష్మీనృసింహదేవా! ఏమాత్రం సారం లేని సంసారమనే సర్పానికి చిక్కలేకున్నాను; లేనిపోని జీవితాశలను తెచ్చిపెట్టుకొని, ఐహికజీవితంలో నటింపలేకున్నాను. అంతులేని ఈ జీవనయానంలో పాపకార్యాలు నన్ను లోబరచుకోవాలనే కోరికతో చూస్తూవున్నాయి! ఘోరమైన ఈప్రమాదాన్ని కృపతో నివారించుమా! స్వామీ!