పుట:తరికొండ నృసింహశతకము (తరికొండ వేంగమాంబ).pdf/24

ఉ.⁠

ఏమనవచ్చు! మూఁడడుగు లిద్ధర నిమ్మని కౌతుకంబునన్ తామసమింతలే కడుగఁ, దప్పక దానవుఁ డిచ్చినంతలో వేమఱు దానవాధిపుని విశ్వములోనికిఁ ద్రొక్కినాఁడవౌ! కోమలనీలవర్ణ! తరిగొండ నృసింహ! దయాపయోనిధీ!

⁠ 11

భావం:

దయాసముద్రుడవయిన శ్రీ తరిగొండ లక్ష్మీనృసింహదేవా! దానవరాజైన బలిచక్రవర్తిని ఏ మాత్రం తొణకని కుతూహలంతో మూడడుగులు దాన మడిగి, అతణ్ణి నెమ్మదిగా పాతాళానికి అణగద్రొక్కినావు. కోమలనీలవర్ణా! నీ అద్భుతచర్యను ఏమని కొనియాడగలము! అటువంటి అపూర్వమైన త్రివిక్రమ వామనావతారా! మీకు నా అభివందనం!