పుట:తరికొండ నృసింహశతకము (తరికొండ వేంగమాంబ).pdf/20

ఉ.⁠

కంజదళాక్ష! యా బుధులఁ గావఁదలంచియు సోమకాసురున్ భంజనచేసి, యంతటను భాసురలీలను వేదముల్ తగన్ రంజనచేసి, యా క్షణమె బ్రహ్మకు నిచ్చిన ధీర! మ్రొక్కెదన్ కుంజరరాజపాల! తరిగొండ నృసింహ! దయాపయోనిధీ!

⁠ 7

భావం:

దయాసముద్రుడవయిన తరిగొండ శ్రీలక్ష్మీనృసింహదేవా! కమలాక్షా! పూర్వం నీవు సోమకుణ్ణి సంహరించి, ఆ రక్కసుడు అపహరించియుండిన వేదరాశిని వెంటనే చెక్కుచెదరకుండా సృష్టికర్తకు ప్రసాదించినావు. ఆ విధంగా లోకమందలి బుధజనులను అందరినీ ఉద్ధరించిన ధీరుడా! గజరాజరక్షకా! మీకు నమస్కారం!