పుట:తరికొండ నృసింహశతకము (తరికొండ వేంగమాంబ).pdf/14

ఉ.⁠

శ్రీరఘురామ! మీ కృపను చెల్వము మీఱఁగ శ్రీ గణేశునిన్, వారిజగర్భునిన్, భవుని, వాణిని, దుర్గను, క్షేత్రపాలకున్, సారెకు సర్వదేవతల, సత్కవిశూరులనెల్ల, భక్తి నిన్ కోరి భజింతునయ్య! తరిగొండ నృసింహ! దయాపయోనిధీ!

⁠ 1

భావం:

దయాసముద్రుడవైన, తరిగొండలో నెలకొనియున్న శ్రీలక్ష్మీనృసింహదేవా! శ్రీ రఘురామా! మీ కృపచేత గణపతినీ, శివుణ్ణి, బ్రహ్మ, సరస్వతి, దుర్గాదేవి - మొదలైన సమస్త దేవతలనూ, ఉత్తమకవీశ్వరులనూ, దేవదేవుడవైన నిన్నూ పదేపదే భక్తితో సేవిస్తున్నాను.