పుట:చిత్రభారతము (చరికొండ ధర్మన).pdf/97

⁠

వేవెంటన్ జనకుండఁ గల్గు నమృతం బిచ్చోట నామోవిపై.

⁠ 82

సీ.⁠

నాగుబ్బచన్ను లున్నతహేమభూమీధ్ర              శిఖరములకు నీడు సేయవచ్చు నాజఘనంబు బృందారకానేకప              శీర్షంబునకు నీడు నేయవచ్చు నాకరంబులు సురానోకహంబులఁ బొల్చు              చిగురాకులకు నీడు సేయవచ్చుఁ నామందహాస ముద్దామమందాకినీ              తోయంబులకు నీడు సేయవచ్చు

⁠

తే.⁠

నాయధరరుచి దేవతానాథసతత సేవ్యసుధసొంపునకు నీడు సేయవచ్చుఁ గాన నాతోడి యోగంబు గల్గెనేని దివ్యభోగంబు లెల్ల సిద్దించినట్లు.

⁠ 83

వ.⁠

అని యిచ్చ నచ్చలంబు హెచ్చంజేరి మీఁదఁ జలువలు గొలుపు కప్పురంపుఁబలుకులు వోని ముద్దుఁబలుకులను, వలరాజు వాఁడితూపులకు మెఱుంగు సూపు నోరచూపు లను, సుధారసంబు తేటలగు పాటలను, మదననివాసంబు లగు పెక్కువిలాసంబులనుం గరగించితినని సంతసిల్లి కరంబులు మొగిడ్చి.

⁠ 84

ఉ.⁠

అమ్మునినాథు నెమ్మొగమునందుఁ గటాక్షము నిల్పి రంభ లోఁ గ్రమ్మెడుసాహసంబు వెలిఁ గానఁగ వచ్చు నళీకమోహమున్ ముమ్మరమై తనర్పఁ దనమో మొకయించుక వాంచి పాదప ద్మమ్మున నేల వ్రాయుచు సుధారస మొల్కఁగఁ బల్కె నేర్పునన్.

⁠ 85