పుట:చిత్రభారతము (చరికొండ ధర్మన).pdf/71

క.⁠

వ్రీడావతి చనుదోయికి నీడని పోల్పంగ ఫలము లేవి యనం దా నీడన కలవని వేఱొక ప్రోడ వలుకఁ దోడిచెలులు పొదలిరి వేడ్కన్.

⁠ 125

క.⁠

పడఁతీ! తావులకున్ బై పడ నేటికిఁ బొగడ లివియ పంచాస్త్రునకున్ విడిపట్టు సతులసిగ్గుల విడిపట్టుగదా యటంచు వెఱతురు చేరన్.

⁠ 126

మ.⁠

చెలియా, యప్రతిమానగంధములచేఁ జెన్నొందు సంపెంగ దాఁ గలుషాకారు లటంచు భృంగవరుల న్గారించి సంపెంగదా తలఁపన్ దీనిగుణంబు లెల్ల విని పాంథవ్రాతముల్ సంతసం బుల పొందం గని భీతి నొందు ననినన్ భూమిన్ విచిత్రంబుగాన్.

⁠ 127

ఉ.⁠

మానిని, యెఱ్ఱనై తనరు మంకెనపువ్వులమీఁది భృంగసం తానముఁ జూచితే వనమున న్విహరించు రమావధూటికిన్ బూనికఁ బుష్పజాలములఁ బూజ లొనర్చి వసంతుఁ డింపుతోఁ దా నిడు ధూపవహ్నిజనితం బగుధూమమురీతి నొప్పెడున్.

⁠ 128

ఉ.⁠

శంబరవైరి వీని సుమజాలముచేతనె నేర్పుతోడఁ గ్రో ధంబున శంబరాసురుని దార్కొని యేచిన వాని మాంసర క్తంబులు పీల్చి యాగదురుద్రాళఁగ నోపక క్రక్కుచున్న భా వం బన రాగవత్కుసుమవల్లరుల న్గనుపట్టె నీపముల్.

⁠ 129

ఉ.⁠

విన్నఁదనంబుతోడఁ గడువెల్వెలఁబాఱెడు నిందువంక నే మున్నది గెల్వ నాకనుచు నుద్థతి మారుఁడు చందమామనున్

⁠