పుట:చిత్రభారతము (చరికొండ ధర్మన).pdf/66

తే.⁠

అల వసంతుఁడు కొమ్మలయందుఁ బ్రేమఁ బత్రభంగము లొనరింప బహుళభూరు హములఁ గనుపట్టు కొమ్మలయందునెల్లఁ బత్రభంగంబు చేసె నభంగలీల.

⁠ 103

సీ.⁠

కెంజాయ పల్లనపుంజంబు గీల్కొని              యధికసంధ్యారక్తి ననుసరింప గట్టియై యెండసోఁకని తరుచ్ఛాయలు              తిమిరంపుగుంపుల కొమరు దాల్పఁ గోరకంబులు నిండుకొని సందడిలునట్టి              తారకంబులతోడఁ ద్రస్తరింప బుప్పొడి దట్టమై కప్పిన ఠావులు              వరచంద్రికావైభవంబుఁ జూపఁ

⁠

తే.⁠

దొరుఁగుపూఁదేనియలు మంచుతోడ నొరయ నేఱులై పాఱు ఫలరస మిందుకాంత జనితసలిలంబుఁ దులకింప వనము లెల్లఁ జాల సితపక్షరాత్రులచంద మయ్యె.

⁠ 104

మ.⁠

ఒగరెక్కం గడులేఁతలై మృదువులై యోగ్యంబులై యున్నయా చిగురాకు ల్దమకంఠదోషముల నుచ్ఛేదింపఁగాఁ జాలు మం దుగతిన్ మేసి పికంబులెల్లఁ దరుసందోహంబులన్ వ్రాలి సో లి గరిష్ఠంబగు పంచమస్వరముఁ గ్రోల్చెన్ మన్మథప్రీతిగాన్.

⁠ 105

క.⁠

పరిపక్వఫలము లెల్లం బరికించి తదీయరసముఁ బానము గావిం చి రుచులఁ జొక్కి కడుం బో తరమున రొదఁ జేసెఁ శుకవితానము పేర్మిన్.

⁠ 106