పుట:చిత్రభారతము (చరికొండ ధర్మన).pdf/42

తే.⁠

ఈవిశేషంబు విరివిగా నెఱుఁగఁ జెప్పి చెవులపండువు సేయు మచ్చిక దలిర్ప మునివరేణ్య భవద్వాక్యజనితమధుర సుధ గదా నన్ను నేఁడు విబుధుఁగఁ జేయు.

⁠ 43

వ.⁠

అనవుడు నిలావంతునకు శుకయోగీంద్రుం డి ట్లనియె.

⁠ 44

తే.⁠

అనఘ మేలైనయది నన్ను నడిగి తీవు వినెడువారికిఁ జెప్పెడుఘనమతులకు నఖిలపాతకహారియు నభిమతార్థ దాయకము నగు తచ్చరిత్రంబు వినుము.

⁠ 45

చ.⁠

కలఁడు మహాత్ముఁ డొక్కఁడు సుఖంబులు దుఃఖములు స్సమంబుగా మెలఁగి సుహృజ్జనంబులు నమిత్రులు నేకవిధంబుగాఁ జెలం గి లలితలోచనాతతి మృగీసమితి న్సరిగాఁ దలంచువాఁ డిలపయిఁ [1]దుల్యభావనయు నిట్లు భజించుటఁ దుల్యమౌనినాన్.

⁠ 46

చ.⁠

అలఘుతపోవిశేషమున నంబుజగర్భునితోడ శాంతి మై సలినదళాక్షుతోడ భువనస్తుతభూతహితప్రబుద్ధిచే నల గిరిజేశుతోడ మహిమాతిశయంబున వ్యాసుతోడ నీ తుల గురుతోడఁ దుల్యుఁడనఁ దుల్యుఁడు మించె ధరాతలంబునన్.

⁠ 47

తే.⁠

అతఁడు పరమాత్ముఁ గూర్చి బాహ్యమును లోను నేకముగఁ జేసి లోకంబులెల్లఁ బొగడ భూరిభాగీరథీనదీతీరమునను విమలమతితోడఁ దపముఁ గావించుచుండె.

⁠ 48

1. దుల్యభాగ యనునేట జనించిన తుల్యమాని