పుట:చిత్రభారతము (చరికొండ ధర్మన).pdf/292

క.⁠

చనియె నిట వాయుతనయా ర్జును లార్చి కడంగి హరివరూధినిపైఁ బే ర్చి నిశితశరములఁ గురియం గని వారలఁ గప్పె మరుఁడు కాండంబులచేన్.

⁠ 28

వ.⁠

వెండియు.

⁠ 29

మ.⁠

అనిరుద్ధుండు ధనుర్గుణధ్వనులు మిన్నందంగ నేతెంచి లో చనయుగ్మంబున వహ్నికీల లురులన్ సవ్యాపసవ్యంబులన్ ఘనబాణంబులు పింజపింజ గఱవంగా వారిపై నేసీ యా ర్చిన భూరిశ్రవుఁ డుగ్రమూర్తి యయి వచ్చెన్ సేన లగ్గింపఁగన్.

⁠ 30

సీ.⁠

వచ్చి యాయనిరుద్ధువక్షస్స్థలంబు మూ              డంబకముల నేసి హయములపయి బదితూపు లడరించి గుదియించి సారథి              గుండె వ్రీలఁగ నొక్కకోలఁ జొనిపి కత్తివాతమ్మున కాండాసనంబు న              డిమికి వ్రయ్యలుగ ఖండించి బిరుదు చిందంబు నాల్గువిశిఖముల భేదించి              భల్లత్రయంబునఁ బడఁగ ద్రుంచి

⁠

తే.⁠

యార్చిన నతఁడు వేఱొక్కయరద మెక్కి యొండువి ల్గొని యవ్వీరు బెండుపఱచి గొడుగుఁ బడగయు విల్లును గుఱ్ఱములును సూతునిం ద్రుంచె నమ్ములసోన గురిసె.

⁠ 31

క.⁠

వాలున భూరిశ్రవుఁడుం గేలీగతి వైవ ఋశ్యకేతుఁడు దానిన్

⁠