అనుడు నయ్యిలావంతువకు నయ్యోగికేసరి యిట్లను
నిత్తెఱంగున మఱియునుం బదియాఱుదినంబులు [1]సంగ్రా
మంబు భీమంబై చెల్లె నందుఁ బాండవసైన్యంబున భీష్మ
ద్రోణకృపాశ్వత్థామకర్ణభూరిశ్రవులును యుధిష్ఠిరభీమా
ర్జుననకులసహదేవదుర్యోధనదుశ్శాసనులును శిఖండిధృష్ట
ద్యుమ్నులును శల్యుండును నుత్తమోజుండును యుథా
మన్యుండును ఘటోత్కచాలంబుసహలాయుధులును సైం
ధవవిందానువిందులును నీలసుదక్షిణపాండ్యయవనకేకయు
లును జతుర్థనుండును [2]నక్షౌహిణీబలంబులుం దక్కఁ దక్కిన
[3]సైన్యంబులతోడ బాహ్లికాదులు గెడసిరి. యాదవబలంబున
రామకృష్ణసాత్యకిగదులును బ్రద్యుమ్నసాంబసారణచారు
దేష్ణబృహద్భానుభానుదేవదీప్తిమదరుణాదికృష్ణకుమార
వర్గంబును ననిరుద్ధచేకితానకృతవర్మలును నక్షౌహిణీ
ద్వయంబునుం దక్కఁ దక్కినసైన్యంబులతోడంగూడ నుద్ధ
వాదులు మడిసిరి. పదునెనిమిదవనాఁడు ప్రభాతసమయం
బునఁ బార్థుండు మేల్కాంచి సంధ్యాదికృత్యంబులు నిర్వ
ర్తించి గురుకృపాశ్వత్థామయుధిష్ఠిరదుర్యోధనకర్ణాది
యోధవీరసమేతుం డై యున్న [4]గంగానందనుపాలికిం జని
యతనియనుమతి నొక్కయుచితాసనంబునం గూర్చుండి
వినయపూర్వకంబుగా నతని కిట్లనియె.
