పుట:చిత్రభారతము (చరికొండ ధర్మన).pdf/285

శ్రీరస్తు

చిత్రభారతము

అష్టమాశ్వాసము

⁠

రంగరాజసేవా పారంగతహృదయ కమలభవవంశపయః పారావారసుధాకర మారసమానావతార మాదయపెద్దా.

⁠ 1

వ.⁠

అవధరింపుము మృదుమధురవచనరచనాపరితోషితముని జాతుం డగుసూతుండు హరికథాశ్రవణాహ్లాదులగు శౌన కాదులకు ని ట్లనియె నట్లు రామకృష్ణులుఁ దక్కిన యోధ వరులును సూర్యోదయంబుఁ గోరుచు నాహవకుతూహలా యత్తచిత్తు లై యుండి రనవుడు శుకయోగీంద్రునకు నిలా వంతుం డిట్లనియె.

⁠ 2

క.⁠

ఈరీతి నుభయసేనలుఁ బోరాడఁగ దినము లెన్ని పోయెన్ గలనన్ భూరిబలు లెవ్వరెవ్వరు వీరత్వము మీఱఁ దెగిరి వివరింపఁగదే.

⁠ 3