అని యగ్గింప నయ్యోధవరులు సింహనాదంబులు చేసినఁ
దద్రవంబు నిని సాత్యకిప్రద్యుమ్నానిరుద్ధాదులు రయం
బునఁ బఱతెంచి వారలపై శరవర్షంబులు గురియించి నిలువ
రించి రయ్యవసరంబున నవ్వలిచక్కి భీష్మద్రోణకృపకర్ణు
లొక్కుమ్మడిఁ బ్రళయకాలరుద్రచతుష్టయంబుతెఱంగున
మెఱపు మెఱసినభంగి యంత్రకారులబాగున మెఱసి
యొక్కచో ధనుర్గుణటంకారంబులు నిగిడింపుచు,
నొక్కచో నిజహేతిప్రభావిలసితంబులు గావింపుచు
నొక్కచోఁ గేతనంబులు మెఱయ రథవేగంబులు గను
పట్టు జేయుచు, నొక్కచో సింహనాదంబులు సేయుచు
నొక్కచో శంఖంబులు పూరించి విజృంభించుచుఁ, గీలూ
డ్చినఁ గెడయు బొమ్మలయోజం గూలి కుప్పలుగొన నేకా
క్షౌహిణీబలంబుఁ దునుమాడి యందు రక్తప్రవాహంబులు
వఱపిరి. హతశేషులు గాందిశీకు లై యెండొరులు విఱిగి
పడిన రథంబులసందున వీఁగియు గజకళేబరంబుల నొది
గియు సమసిన సైంధవంబుల పక్కెరలఁ జొచ్చియు శవం
బులనడమంబడి కాలుచేయాడించకయుం గొందఱు నిలు
పం దక్కినవారు కృష్ణకృష్ణ గావుమను నెలుంగు సూప
దన్నాదంబు విని యామురాంతకుండును దారకునిచే
