పుట:చిత్రభారతము (చరికొండ ధర్మన).pdf/280

తే.⁠

ఆఱుతూపుల నతనిరథ్యములఁ దునిమి నాలుగమ్ముల సారథి నఱికి యొక్క కోల విలు ద్రుంచి వర్మంబు వ్రీల రెండు శరము లేసి యతనిమీఁద శక్తిఁ బఱపె.

⁠ 147

క.⁠

అది భూతల మద్రువంగా నదరులు గ్రక్కుచును వచ్చి యాయుద్ధవు బె ట్టిదముగఁ దాఁకుడు ధరణిం జదికిలఁబడి కూలె పార్థుసైన్యము లార్వన్.

⁠ 148

వ.⁠

ఇవ్విధంబున నుద్ధవుండు సమిద్దరణిం బడిన నడలుచు నక్రూ రుండు క్రూరనారాచంబుల ద్రుపదు గ్రుచ్చి నాలుగుబాణం బుల ఘోటకంబులఁ గూల్చి సారథి నొక్కనిశాతశరంబున శిరంబు ద్రుంచి కేతుచ్ఛత్రచామరంబులు భూతలంబునం దొరలించిన నతండు విరథుండై వాలునుం బలకయుం బూని సింహచంక్రమణవిలాసంబున నతని తేరిపయిం గవి యుడు నతం డనేకనిశితశరంబులం బరఁగింపం దనవాలున జడియుచుఁ జేర నేతెంచిన నయ్యక్రూరుం డర్ధచంద్రబాణం బున నప్పాంచాలపతి మూర్ధంబు ద్రుంచి సింహనాదంబు గావించిన.

⁠ 149

క.⁠

ఆ రవము విని శిఖండి మ హారోషం బెత్తి చూడ్కి యక్రూరునిపై ఘోరముగ నిడి రయంబునఁ జేరఁగ నేతెంచి పటువిశిఖములఁ గప్పెన్.

⁠ 150

తే.⁠

అతఁడు నేర్పునఁ ద్రుంచె నాయంబకముల మఱియు ద్రుపదాత్మజుఁడు వాఁడిమార్గణముల

⁠