పుట:చిత్రభారతము (చరికొండ ధర్మన).pdf/279

క.⁠

ఆయుగ్రసేను రథికుల వేయివిధంబులఁ గలంచి విగతాసులుగాఁ జేయుచు బాహ్లికనందనుఁ డాయోధనభీష్మమూర్తియై తను నొంపన్.

⁠ 141

తే.⁠

నూఱుతూపులఁ జేకితానుండు సోమ దత్తుపై నేసె నతఁడు చే యెత్తకుండ మఱియుఁ బిడుగున కెనయైనమార్గణమున నలిగి యేసిన నవ్వీరుఁ డవనిఁ గూలె.

⁠ 142

వ.⁠

ఇట్లు సోమదత్తుండు పడిన.

⁠ 143

తే.⁠

పార్థుసేనలు దుఃఖవిభ్రాంతిఁ బొందె హరివరూథిని సంతోష మడరి యార్చె నది గనుంగొని మత్స్యేంద్రుఁ డలుకతోడ నుద్ధవునిఁ దాఁకి యేసె శరోత్కరమున.

⁠ 144

క.⁠

ఆతఁ డవి నడుమఁ జడియుచు భూతల మగలంగ నొక్కభూరితరాస్త్రం బాతనిపై నిగుడించిన భూతము లార్వంగఁ దనువు బోరన విడిచెన్.

⁠ 145

వ.⁠

ఇవ్విధంబున మత్స్యమహీనాయకుండగు విరాటుండు దెగినఁ దద్బలంబులు హాహానినాదంబు గావించె నయ్యాదవ నాయకుబలంబులు సింహనాదం బొనరించె నంతం బాం చాలపతి క్రుద్ధుండై యుద్ధవునిపై శరపరంపరలు పరఁగిం చిన నతండును దోడ్తోన వారించె నయ్యవసరంబున ద్రుపదుండు.

⁠ 146