పుట:చిత్రభారతము (చరికొండ ధర్మన).pdf/215

⁠

క్షోణీనాథులుఁ బోరనిల్వఁగ బిడౌజుండో యజుండో [1]కడున్ వేణుధ్వానముఁ జేసి [2]గొల్లసతులన్ వేఁగూడుటో కయ్యముల్.

⁠ 63

వ.⁠

కావున బహుశాస్త్రజ్ఞుండవగు నీవు మీకృష్ణునకు బుద్ధిఁ జెప్పి యా చతుర్ధనుఁ జంపెదనన్న ప్రతిన మాన్పించు మనవుడు నక్రూరుం డతని కిట్లనియె.

⁠ 64

తే.⁠

రాజ్యగర్వంబు పెంపున రాజరాజ మీఁదు గానక యాడితి మిన్న కీవు సత్యసంకల్పుఁడైన యాచక్రపాణి ప్రతిన మాన్పెదనని పూన బ్రహ్మతరమె.

⁠ 65

చ.⁠

సురల జయించి దేవపురి చూఱలుపట్టి సమస్తలోకములో పొరిఁబొరినేర్చు నయ్యసురపుంగవకోటుల మాటమాత్రలో శరములపాలు చేసి దివిషద్వరుబెల్ల నుతింపఁబొల్చు నా హరికిని మీకు హస్తిమశకాంతర మారసి చూడ నెమ్మెయిన్.

⁠ 66

వ.⁠

మఱియును.

⁠ 67

సీ.⁠

కల్పాంతశిఖకల్ప[3]కాళియఫణములఁ              జిదమిదగా మట్టి మద మడంచె సత్వనిర్జితదిశాసామజశ్రేష్ఠంబుఁ              గువలయాపీడంబు నవనిఁ గూల్చె విశ్వలోకాప్రతివీరుఁ జాణూరుని              బాహుయుద్ధంబునఁ బట్టి చంపె బంధురబలు జరాసంధుఁ బద్నెనిమిది              మాఱులు రణభూమిఁ బాఱఁదోలె

⁠

1. కదా
2. గొల్లెతలలో వేయాడుటే
3. కాళియుఁ బదముల