పుట:చిత్రభారతము (చరికొండ ధర్మన).pdf/206

ఆ.⁠

ధర్మతనయ నీకుఁ దగునె బేలవుఁబోలె వాఁడిఁ జేసి యిట్లు నేఁడు పలుక యాదవేంద్రుసత్వమంతయు మన మెఱుం గుదుముగాదె [1]గెలువఁగూడు ననిన.

⁠ 21

వ.⁠

కర్ణుం డిట్లనియె.

⁠ 22

ఉ.⁠

అర్జునునంతవాఁ డితని నాదరణంబునఁ గావఁబూనె నా నిర్జరు లెల్ల వచ్చి ధరణీవరకోటులఁ గూడి విక్రమ స్ఫూర్జితమూర్తులై యనికిఁ జొచ్చిన వీని వధింప శక్తులే కర్జమునం దలుప నల కంజదళాక్షునిఁ జెప్ప నేటికిన్.

⁠ 23

వ.⁠

అనిన దుర్యోధనుం డిట్లనియె.

⁠ 24

మ.⁠

వనజాక్షుండన నెంత చాపగురుఁ డశ్వత్థామయున్ గౌతముం డును మీ రేవురు నేను బాహ్లికుఁడుఁ గర్ణుండున్ మదీయానుజుల్ ఘను లీరాజులు భీమజాద్యసురులున్ గంగాసుతుం డాదిగా మనసైన్యంబులు గూడి పొల్చిన రణక్ష్మామండలి న్నిల్చునే.

⁠ 25

వ.⁠

అని మఱియు వీరాలాపంబు లాడి శరణాగతుండగు నీ చతుర్ధనుం గావంబూనిన యర్జునుప్రతిజ్ఞ[2]తోన నడరు నని నిశ్చయంబుగాఁ బల్కిన యనంతరంబ దుశ్శాసనుం డిట్లనియె.

⁠ 26

చ.⁠

మనము సమస్తభూవరసమాజము సేనలతోడఁ గూడి రాఁ బనుపుద మంత నాధరణిపాలురు వచ్చిన సైన్యరాజితోఁ గినుక దలిర్ప ద్వారవతికిం జని వేడెలు వెట్టి యాచతు

⁠

1. మేలుగూడు ననిన
2. నెగడెడునని