పుట:చిత్రభారతము (చరికొండ ధర్మన).pdf/199

చ.⁠

అనఘవరేణ్య కుండినపురాధిపుఁ డితఁడు పేరిటన్ జతు ర్ధనుఁ డసునాతఁ డేను మృగరాజి నణంపఁగ వేఁటఁ బోయియుం డ నచటి కేగుదెంచి కపటంబునఁ బల్కెను న న్విరోధి యొ క్కనృపుఁడు చంపఁబూనెఁ దగఁ గావు మటంచు మహార్తితోడుతన్.

⁠ 217

తే.⁠

శరణుఁ జొచ్చినవారి రక్షణము సేయ వలయు వీరులకని మదిఁ దలంచి కావఁ బ్రతినఁ జేసితిఁ దదనంతరంబ శౌరి వైరి యని చెప్పె నీతండు వసుమతీశ.

⁠ 218

క.⁠

శ్రీవిభునితోడి నెయ్యము భూవరుప్రాణంబు గాచు పూనికయును నా కేవెరవునఁ గూడెడునని దేవర కెఱిఁగింప నరుగుదెంచితి భీతిన్.

⁠ 219

తే.⁠

నాప్రతిజ్ఞయు నితనిప్రాణములుఁ గావ నేది తెరవగు నట్టి దూహించు మనుచుఁ బాదములమీఁద వ్రాలు నప్పార్థుఁ జేరఁ దిగిచి యిట్లని పల్కె యుధిష్ఠిరుండు.

⁠ 220

మ.⁠

సకలోపాయవిశారదుండు నయశాస్త్రప్రౌఢుఁ డాయోధనో త్సుకుఁ డుద్దండవిరోధిసంహరణదక్షుం డుగ్రశస్త్రాస్త్రజా లకళావేది గిరీంద్రధీరుఁడు సరోల్లాసాత్మపంకేరుహుం డకలంకుం డగుకృష్ణు నోర్వ నజదుర్గాధీశులున్ శక్తులే.

⁠ 221

క.⁠

పోనీ శరణాగతికై మేనులు హరి కొసఁగి కీర్తి మించి సురేంద్ర శ్రీ నెగడెద మిది విడిచిన హీనపుబ్రతు కేల రాజ్య మేటికి మనకున్.

⁠ 222