పుట:చిత్రభారతము (చరికొండ ధర్మన).pdf/172

⁠

జారఁగ నెంతయు నతనికిఁ గారుణ్యము పొడమునట్లుగా నిట్లనియెన్.

⁠ 71

ఉ.⁠

నన్ను నకారణంబ యల నందకుమారకుఁ డుగ్రవృత్తి మీ ఱ న్నిఖిలం బెఱుంగ సమరంబునఁ జంపఁగఁ బూనినందుకే నిన్ను గుఱించి యీజపము నిష్ఠ నొనర్చితిఁ జిత్తగింపు వే గన్నులవేల్ప, సత్కరుణఁ గాచి భయంబుఁ [1]దలంగఁజేయవే.

⁠ 72

వ.⁠

అనవుడు దేవతావల్లభుం డాకుండినవల్లభున కిట్లనియె.

⁠ 73

మ.⁠

వనజాతోద్భవదత్తచండవరగర్వస్ఫూర్తి లోకమ్ము లె ల్లను జీకాకుపడంగఁజేసి భయదోల్లాసంబున న్మీఱు దై త్యనికాయంబుల మాటమాత్రమునఁ జక్రాగ్రంబునం ద్రుంచు కృ ష్ణుని నోర్వంగలవాఁడవే కలన నేనుం గూడినన్ భూవరా!

⁠ 74

మ.⁠

తనకాంతామణి సత్యభామకు వినోదక్రీడకై దేవలో కనివాసం బగుపారిజాతము సురౌఘం బెల్లఁ గాపున్నచోఁ గొని కృష్ణుం డరుగంగ నేఁ దొడరి తద్ఘోరాజి బెండొంది వీఁ గినవాఁడ న్వినుమా నరేంద్ర, నిను రక్షింపంగ శక్తుండనే.

⁠ 75

వ.⁠

అనిన నాచతుర్ధనుండు దేవా, దేవకీతనయుం డగుకృష్ణుండు సురలోకంబునకు నేతెంచి పారిజాతం బేవిధంబునఁ దెచ్చె? నయ్యవసరంబున నీకు నతనికి నేకైవడిఁ గయ్యం బయ్యె నానతీయవలయుననిన నతని కమరేంద్రుం డిట్లనియె.

⁠ 76

ఉ.⁠

ద్వారకలోనఁ గృష్ణుఁడు ముదంబున రాజ్యము సేయుచు న్మనో హారిణియైన రుక్మిణిగృహంబున నొక్కదినంబునందు శృం గారరసంపుఁగుప్ప లనఁగాఁ దగు చంద్రముఖీసహస్రముల్

⁠

1. దొఱంగఁజేయవే