| మ. |
అటవీసూకర మేల? యేల ఫణి? యేలా కొండ? లేలా దిశా
తటవేదండము? లేల కూటకమఠాధ్యక్షుండు? సప్తాబ్ధిసం
ఘటనాలంకృతమధ్య మైననిఖిలక్ష్మాచక్రవాళంబు నె
క్కటి దాల్పం ద్రిపురారివల్లభుభుజాకాండద్వయం బుండఁగన్‌.
| 19
|
| ఉ. |
గంధవతీప్రతీరపురఘస్మరపాదబిసప్రసూనపు
ష్పంధయచక్రవర్తి, శ్రుతపర్వతదుర్గమహాప్రధానరా
డ్గంధగజంబు తిప్పన, యఖండితధీనిధి, కాంచెఁ బుత్రులన్‌
బాంధవకల్పవృక్షముల, బైచన మల్లన తిప్ప మంత్రులన్‌.
| 20
|
వల్లభామాత్యుని పాండితీవైభవాదికము
| సీ. |
మూఁడుగ్రామగ్రాసములతోడఁ గూడంగ
మోపూరు పాలించె ముల్కినాట,
నాశ్వలాయనశాఖయందు ఋగ్వేదంబు
కరతలామలకంబుగాఁ బఠించెఁ,
బ్రత్యక్ష మొనరించి భైరవస్వామిచే
సిద్ధసారస్వతశ్రీ వరించెఁ,
గామకాయనస విశ్వామిత్రగోత్రంబు
వంశగోత్రంబుగా వార్త కెక్కె,
|
|
| తే. |
నెవ్వఁ, డా త్రిపురాంతకాధీశ్వరునకు,
రాయనవరత్నభండారరక్షకునకుఁ
బ్రియతనూజుండు, చందమాంబిక సుతుండు,
మనుజమాత్రుండె వల్లభామాత్యవరుఁడు?
| 22
|
| క. |
అహరవధిసమయనృత్య
త్తుహినాంశుధరప్రచారధూతాభ్రధునీ
|
|
