పుట:క్రీడాభిరామము (ఎమెస్కో).pdf/176

సీ.⁠

బాలేందురేఖ సంపద మించి విలసిల్లు                         నొసటి తళ్కుల నీటు నూఱు సేయు, భ్రమరికా హరి నీల చమరవాలములఁ బోల్                         వేణీభరము చాయ వేయి సేయు, దర్పణ ద్విజరాజ ధాళధళ్య ప్రభ                         లపన బింబ స్ఫూర్తి లక్ష సేయుఁ, గోట హాటక శైల కుంభి కుంభారాతి                         కుచకుంభయుగళంబు కోటి సేయు,

⁠

తే.⁠

జఘనసీమకు విలువ లెంచంగ వశమె? దీని సౌందర్య మహిమంబు దేవుఁ డెఱుఁగుఁ! నహహ యెబ్భంగి సాటి సేయంగ వచ్చు? భావజుని కొల్వు, జంగము భామ చెల్వు.

⁠ 61

క.⁠

సర్వజ్ఞ నామధేయము, శర్వునకే, రావు సింగ జనపాలునకే, యుర్విం జెల్లును, ద క్కొరు సర్వజ్ఞుం డనుట, కుక్క సామజ మనుటే!

⁠ 62

సీ.⁠

కవిరాజుకంఠంబుఁ గౌఁగిలించెను గదా                         పురవీథి నెదురెండ పొగడదండ! యాంధ్రనైషధకర్త యంఘ్రియుగ్మంబునఁ                         దగలియుండెను గదా నిగళయుగము! వీరభద్రారెడ్డి విద్వాంసుముంజేత                         వియ్యమందెను గదా వెదురుగొడియ! సార్వభౌముని భుజాస్తంభ మెక్కెను గదా                         నగరివాకిట నుండు నల్లగుండు!

⁠

తే.⁠

కృష్ణవేణమ్మ గొనిపోయె నింతఫలము, బిలబిలాక్షులు దినిపోయెఁ దిలలుఁ బెసలు,

⁠