పుట:క్రీడాభిరామము (ఎమెస్కో).pdf/141

⁠

కొఱం గొఱుకుముఖంబున గురుకు గురుకు మనుచు, సవ్యాప సవ్యంబుల నోహరిం బక్షవిక్షేపంబులం బడలువడ నడిచియు, నొడిచియు, నడికి నడికిఁ దప్పించుకొని, సడిచప్పుడు గాక యుండం గాళ్ళక్రిందికిఁ దూరియుఁ జీరియు, మాటిమాటికి “ఘాటఘాటఘాట” యని కృకాటం బుక్కుఁ దండసంబులు వోని ముక్కులం జెక్కులం జిక్కగా నొక్కి, యిట్ట ట్టనక బిట్టూని పట్టి, గాలంపుఁగొంకులభంగి వంక లగు కొంకి కత్తులం గడుపు లొడిచికొని, చించి చెండాడి, కొండొకసేపు వాలిసుగ్రీవులవిధంబున, విందానువిందులచందంబున, మురారిచాణూరులప్రకారంబున, నేకాంగయుద్ధంబు చేసి, చారణగంధర్వగరుడవిద్యాధరశ్లాఘనీయంబుగా నమోఘ పరాక్రమంబు సలిపి, వీరవ్రతం బేపార, వాహ్యాళీమండలం బునం దమకుఁ దార పాయగిలఁబడి, పోటుగండ్ల రొప్పు రుధిరంబులం దొప్పఁదోఁగి, మూర్ఛాంధకారంబున మునుంగు చున్నయవి;

⁠ 235

సీ.⁠

హా! కుమారస్వామి యౌపవాహ్యములార!                         హా! మంత్రదేవతాస్వాములార! హా! కాలవిజ్ఞానపాకకోవిదులార!                         హా! భూతభుక్తికుంభార్హులార! హా! యహల్యాజారయభనహేతువులార!                         హా! బలాత్కారకామాంధులార! హా! నిరంకుశమహాహంకారనిధులార!                         హా! కామవిజయకాహళములార!

⁠

తే.⁠

హా! ఖగేంద్రంబులార! కయ్యమున నీల్గి పోవుచున్నారె దేవతాభువనమునకు?

⁠