పుట:క్రీడాభిరామము (ఎమెస్కో).pdf/113

⁠

నంత, మధ్యాహ్నసమయమౌ, నపుడు గాని వేడుకై యుండ దక్కలవాడ సొరఁగ.

⁠ 114

తే.⁠

అనినఁ, డిట్టిభుఁ డౌ నంచు ననుసరింప, నాలువరి క్రింది త్రోవగా నరిగి యరిగి, విప్రుఁ డీక్షించెఁ బలినాఁటి వీరపురుష పరమదైవత శివలింగ భవనవాటి.

⁠ 115

పలనాటి వీరగాథాగానాభినయము

మ.⁠

ద్రుతతాళంబున, వీరగుంఫితక ధుం ధుం ధుం కిటాత్కారసం గతి వాయింపుచు, నాంతరాళికయతిగ్రామాభిరామంబుగా యతి గూడన్, ద్విపదప్రబంధమున వీరానీకముం బాడె నొ క్కతె, ప్రత్యక్షరముం గుమారకులు ఫీట్కారంబునం దూలఁగన్‌.

⁠ 116

సీ.⁠

గర్జించి, యరసి, జంఘాకాండయుగళంబు                         వీరసంబెటకోల వ్రేయు నొకఁడు, ఆలీఢపాదవిన్యాస మొప్పఁగ వ్రాలి                         కుంతాభినయముఁ గైకొను నొకండు బిగువుఁగన్నుల నుబ్బు బెదరుఁజూపులతోడ                         ఫీట్కార మొనరించుఁ బెలుచ నొకఁడు, పటుభుజావష్టంభపరిపాటి ఘటియిల్ల                         ధరణి యాస్ఫోటించి దాఁటు నొకఁడు,

⁠

తే.⁠

ఉద్ది ప్రకటింప నొక్కరుం డోల వాఁడు, బయలు గుఱ్ఱంబు భంజళ్ళఁ బఱపు నొకఁడు, కొడుము దాటింపుచును బెద్దగొలువులోనఁ బడఁతి పల్నాటివీరులఁ బాడునపుడు.

⁠ 117