పుట:కుమారసంభవము.pdf/19

ప్రథమాశ్వాసము

9

క॥⁠

అక్షయమూర్తికి నాశ్రిత । రక్షణదక్షునకు ధర్మరతిమతికిఁ గళా దక్షునకు నమితునకు శుభ । లక్షణలక్షితున కిహలలాటేక్షునకున్.

⁠ 62

క॥⁠

కుందదరహాససురకరి । చందననీహారిహారశరదంబుదపూ ర్ణేందునిభకీర్తిపరున క । నిందితగుణనిధికి నధికనిర్మలమతికిన్.

⁠ 63

క॥⁠

సత్వాదిగుణవిభూతికి । సర్వదయాళునకు నధికసంతుష్టునకున్ దత్త్వప్రకాశమతికి జి । తత్వఫలప్రదున కాత్మతత్త్వజ్ఞునకున్.

⁠ 64

క॥⁠

సంభద్గుణనిలయున । కంభోధిగభీరునకు మితాలాపునకున్ జంభారిభోగభాగికి । నంభోజాక్షునకు సజ్జనాభరణునకున్.

⁠ 65

క॥⁠

వినుతబ్రహ్మర్షికి న । త్యనుపమసంయమికి సజ్జనాభరణునకున్ మనుజాకారమహేశున । కనుపమచరితునకు మల్లికార్జునమునికిన్.

⁠ 66

వ॥⁠

పరమభక్తియుక్తి నావర్జితహృదయుండనై సకలభువనభవనావతారకారణుం డైన పరమేశ్వరునవతారం బగుటయుం దదంశావతారంబుగా వ్యావర్ణించి నా చెప్పంబూనిన దివ్యకథాసూత్రం బెట్టిదనిన.

⁠ 67

స్ర॥⁠

సతిజన్మంబున్ గణాధీశ్వరుజననము దక్షక్రతుధ్వంసముం బా ర్వతీజన్మంబున్ భవోగ్రవ్రతచరితయ దేవద్విషత్క్షోభముం శ్రీ సుతసంహారమ్ము భూభృత్సుతతపము నుమాసుందరోద్వాహమున్ ద ద్రతిభోగంబుం గుమారోదయము నతఁ డనిం దారకుం బోరు [1]గెల్వున్.

⁠ 68

వ॥⁠

అనం బరఁగు సకలావయవంబులం బరిపూర్ణం బైనదివ్యకావ్యాంగనాసృష్టికర్తయైన.

⁠ 69

సీ॥⁠

విధి నియమంబున విశ్వంబు సృజియింప దక్షప్రజాపతిఁ దలఁచి మఱియుఁ బ్రకృతిస్వరూపమై పరఁగు మహామాయఁ ద్రైలోక్యమాత నాధారశక్తి భావించి సద్విధి నావహించుఁడు రూపలావణ్యగుణహావభావకాంతి సుందరాకారవిస్ఫురణతోఁ బ్రత్యక్షమై యేమి వలతు నీ వడుగుమనిన నాకుఁ బుత్రివై పినాకికిఁ బత్నివై । మిథునచరితఁ దగిలి మీరు లోక జననములకు బీజశక్తులై యుండంగ । వరము గరుణ నొసఁగవలయు దేవి.

⁠ 70

1. గెల్వున్ = జయము, గెలుపు