పుట:కాశీఖండము.pdf/473

సప్తమాశ్వాసము

461

⁠

నరుణోదయము గానియటక మున్న గంగలోఁ జక్రపుష్కరిణీహ్రదంబున         నఘమర్షణస్నాన మాచరించి యరుణాంశుమండలం బర్ధోదయమునొందు         సమయంబు వీక్షించి సంధ్య వార్చి నిలుచుండి జపియించి నియతితో గాయత్రి         సంఖ్య యష్టోత్తరశతము గాఁగ

⁠

తే.⁠

నగ్నికార్యముదీర్చిఁ గామారిఁ గొల్చి ముక్తిమంటపికామధ్యమునఁ బఠించె శివపురాణంబు మధ్నాహ్నసీమదాఁక నపరనారాయణుఁడు బాదరాయణుండు.

⁠ 132

మ.⁠

ఝటితిస్యూతపలాశపత్రపుటికాశాటీప్రసేవంబులున్ ఘటముల్ తామరపాకులున్ గుహళులున్ గండోలముల్ పూని బా సట వేదంబుఁ బఠించుచుం గదిసి వైశంపాయనాదుల్ సము త్కటభంగిం గొలువంగ నేగె ముని భిక్షాకృత్యయాచ్ఞార్థమై.

⁠ 133

తే.⁠

నెట్టుకొని కాయు బిఱ్ఱెండఁ బట్టపగలు తాను శిష్యులు నింటింట దప్పకుండఁ గాశికావిప్రగృహవాటికలఁ బొనర్చె నఖిలవిద్యాగురుండు భిక్షాటనమును.

⁠ 134

శా.⁠

ఛాత్రుల్ పైలసుమంతజైమినులువైశంపాయనుం డాదిగాఁ బాత్రంబుల్ ధరియించి యన్నిదెసలన్ భైక్షంబు వేడంగ న క్షత్రాధీశ్వరమౌళిపట్టణమునం గాశిం దలంప న్మహా చిత్రం బోగిర మబ్బదయ్యె ఋషికిం జేకూరదయ్యెం దుదిన్.

⁠ 135