పుట:కాశీఖండము.pdf/447

సప్తమాశ్వాసము

435

⁠

దివ్యలింగంబు భాగీరథీతటంబు నందు మణికర్ణి కాహ్రదోపాంతభూమి.

⁠ 38

విశ్వకర్మేశ్వరలింగప్రాదుర్భావము

వ.⁠

దూర్వాసేశ్వరలింగంబు సర్వాభీష్టఫలప్రదాయకంబు. మఱి విశ్వకర్మేశ్వరలింగంబు ప్రాదుర్భావంబు వివరించెద సావధానమతివై యాకర్ణింపుము. త్వష్టృప్రజాపతికొడుకు విశ్వకర్మ బ్రహ్మచర్యంబున భిక్షాన్నభోజియై గురుగృహవాసియై విద్యాభ్యాసంబు చేయుచుండె నంత.

⁠ 39

సీ.⁠

వానకాలము వచ్చె వర్షంబు లందందుఁ         జడివట్టి కురిసె నాసావియందు గురుఁడు నాకొక్కమందిరము నిర్మింపుమీ         వర్షధారలచేత నుఱియకుండ గురుపత్ని నాకొక్కకుపసంబుఁ గుట్టుము         చలిగాలి యొడలిపైఁ బొలయకుండ గురునందనుండు నాకు రచింపు పావాల         నడుసు పాదంబుల నంటకుండ

⁠

తే.⁠

గురుతనూభవ నాకు బంగరువుతొడవు [1]వజ్రభూషలు సేయు తాల్పంగవలయు ననుచుఁ బ్రార్థించి రందఱ కతఁడు మ్రొక్కి యిన్నియును దాను గల్పింప నియ్యకొనియె.

⁠ 40

వ.⁠

ఇవ్విధంబున గురునకు గురుపత్నికి గురుపుత్రులకు గురుతనూభవకు, వారలు కోరినయర్థంబులు సంఘటింప నను వెఱుంగక చింతాక్రాంతుండై యుండెనంత దైవయోగంబున

⁠

1. 'వజ్రభూషణములు నాకు వలయుఁ దాల్ప' అని వ్రాఁతపుస్తకము.