పుట:కాశీఖండము.pdf/427

షష్ఠాశ్వాసము

415

తే.⁠

దక్షిణమున త్రివిష్టపస్థానమునకుఁ జెంగట సరస్వతీశ్వరక్షేత్ర మనఘ! యిచ్చుఁ గొలిచినవారి కయ్యిందుధరుఁడు గరుణ సారస్వతం బైనపరమపదము.

⁠ 274

క.⁠

యమునేశ్వరుఁడు ద్రివిష్టకు సమీపమున నంబుపతిదెస న్వసియించున్ యమపుటభేదననికట ద్రిమవాటికఁ జూడ రవ్విధుధరునిభక్తుల్.

⁠ 275

తే.⁠

ఆత్రిలోచనుప్రాగ్దిక్కునందు నుండు నర్మదేశుండు నిజభక్తశర్మదాయి శైవదీక్షావిధిజ్ఞ! తత్సేవకులకు మాతృగర్భార్భకత్వంబు [1]మందు సుమ్ము.

⁠ 276

తే.⁠

అఖిలనీవారముష్టింపచాగ్రగణ్య! ప్రత్యహంబు ద్రవిష్టపద్రష్ట యెవ్వఁ? డవ్విశిష్టుఁడు విష్టపాధ్యంతరమున వీసమంతటిమాత్రంబు వెలితిస్రష్ట.

⁠ 277

ఉత్సాహ.⁠

లీల మనుజుఁ డెవ్వఁ డేఁ బిలిప్పిలాతరంగిణిం దేలి శ్రీత్రివిష్టపేశు ద్రిపురమథను శశికళా మౌళిఁ బూజ సేయుఁ గుసుమమాల్యముల నతండు డా కాలిమడమఁ జప్పళించుఁ గాలమృత్యువక్త్రమున్.

⁠ 278

1. అచ్చుపుస్తకమున 'మందు కొడుకు' అనియు, వ్రాఁతపుస్తకమున 'మందు కుడుక' యనియు, మఱియొక వ్రాఁతపుస్తకమున 'మందు సుమ్ము' అనియున్నది. దీనికి “దృష్టం త్రిలోచనా త్ప్రాచ్యాం నర్మదేశం సుశర్మదం, తల్లింగార్చనతో నౄణాం గర్భవాసో నిషిధ్యతే" అని సంస్కృతమూలము.