పుట:కాశీఖండము.pdf/428

416

శ్రీకాశీఖండము

మానిని.⁠

ఉత్తరవాహినియై ప్రవహించుచునున్న పిలిప్పిలఁ గ్రుంకి మదిం దత్తపా టొకయించుక లేక యథావిధిఁ గోమలతాకకరా డ్భిత్తకిరీటుఁ ద్రివిష్టపనాయకుఁ [1]బెన్మసనంబునఁ గొల్చిన భా గ్యోత్తరుఁ గాంచి నమస్కృతి సేయుదు రుప్పరవీథిఁ జరించుసురల్.

⁠ 279

తే.⁠

ఇతరదేశంబులం దుపార్జితము లైన పాపములు వాయుఁ గాశికాపట్టణమున గాశిఁ జేసినపాప మెక్కడను బాయ దదియుఁ బాయుఁ ద్రివిష్టపోపాంతభూమి.

⁠ 280

తే.⁠

కాశి జంబూతరుద్వీపకనకభూష కాశియం దుత్తమంబులు క్రమవిభూతి సింధుసంభేద మోంకారశివపదంబు శ్రీత్రివిష్టపనాయకక్షేత్రతలము.

⁠ 281

క.⁠

విదితముగఁ గాశినడుమం ద్రిదశమణికిరీటకోటిదీధితివిలస త్పదునిఁ ద్రివిష్టపుఁ గొలిచిన నొదవును సిరిమోక్షపదము [2]నుదయవివేకా!

⁠ 282

శా.⁠

కుంభసంభవ! యాత్రివిష్టపుని గ్లౌకోటీరు సింధుత్రయీ సంభేదస్థలవాసుఁ గొల్చునరునిన్ సాధింపఁగాఁ జాలునే కుంభీపాకముఖప్రధాననరకక్రూరప్రకారవ్యథా సంభారంబుల నీగఁ జాలు మదిరాస్వాదాదిపాపౌఘముల్.

⁠ 283

1. ‘బ్రేమమనంబునఁ’ అని వ్రాఁతపుస్తకము. ‘బెన్నసమంబుగఁ’ అని అచ్చుపుస్తకము.
2. ‘నొదవును శివమోక్షపదము లుదితవివేకా!’ అని పాఠాంతరము.