పుట:కాశీఖండము.pdf/228

చతుర్థాశ్వాసము

215

⁠

నతిగాఢమైన క్రోధాంధకారంబునఁ         గన్నుల నంధుండు గానివాఁడు నిర్ణిబంధనలోభనిద్రాభరంబున         బారవశ్యంబుచేఁ బడనివాఁడు లక్ష్మీకటాక్షలీలాసీధుమదమున         మనములోపల మన్నఁగొననివాఁడు

⁠

తే.⁠

లేడు భూపతిఁ గలిగెనా వాడు నృపుఁడె విశ్వధాత్రీజనులపాలివేల్పు గాక? బాహ్యశత్రుల బరిహరింపంగ వచ్చు నంతరారుల నిర్జింప నలవిగాదు.

⁠ 203

వ.⁠

అది యట్లుండెఁ దదీయవృత్తాంతంబు విను మని యి ట్లనియె.

⁠ 204

తే.⁠

తాల్చె గర్భంబు తార సుధాకరునకుఁ గువలయేక్షణ రాగంబు గొనలు సాఁగ జంభరిపుదిక్కు ప్రత్యూషసమయమునను తామరసబంధుగర్భంబు దాల్చినట్లు.

⁠ 205

తే.⁠

గర్భసంస్థితుఁ డగుగ్రహాగ్రణి విశుద్ధ సితయశస్స్ఫూర్తి వెలిఁ బ్రకాశించినట్లు దారమైదీఁగ వికచలోధ్రప్రసూన పాండురచ్ఛాయ నొయ్యొయ్యఁ బలుకఁ బాఱె.

⁠ 206

తే.⁠

గర్భసంస్థితసద్గుణగౌరవమునఁ బోలె గాత్రంబు భరియింపఁజాల దయ్యె నమృతధారారసాస్వాదసముపజాత తృప్తియును బోలె నాహారతృష్ణ వదలె.

⁠ 207