పుట:కామకళానిధి.pdf/35

క.⁠

ధారుణి శృంగారమునకుఁ గారణ మరయంగ నాయికానాయకు లా మేర యలంకారములం దారూఢిగఁ బలుకఁబడియె నభిమతఁ గతులన్.

⁠

సీ.⁠

దివ్యనాయకులు నదివ్యనాయకులును                      నుభయనాయకులన నొప్పుమొదల నలకూబరజయంతనలినబాణాదులు                      దివ్యు లర్జునబలదేవముఖ్యు లరయ వీర లదివ్యు లగుదురు విక్రమా                      ర్కాదులు నుభయనాయకులు దలఁప నీ త్రివిధంబుల నెనయు నాయకులకు                      నాల్గుజాతులు ప్రధానంబు లవియు భద్ర కూచిమార పాంచాల దత్తుల నాఁగనొప్పు దేవనాథుఁడాది భద్రజాతి, మాణిభద్రాదు లలకూచి మారజాతి యగుచు సౌరుగంద్రు.

⁠

ఆ.⁠

పంచబాణముఖులు పాంచాలజాతియౌ చంద్రముఖులు దత్తజాతివారు నింక నుభయులందు నెఱిఁగింతు బలభద్ర ముఖులు భద్రజాతి ముఖ్యు లరయ.

⁠