పుట:కామకళానిధి.pdf/34

క.⁠

కావున నిస్సారంబగు నీవిశ్వమునందు సార మెంచగ యువతీ భావానుకూలరత మొక టై వెలయు పరాత్మపరచిదానందములన్.

⁠

క.⁠

ధారుణి సర్వేంద్రియసుఖ మారయ నానందరూప మది బాహ్యాంత స్సారసురతములఁ గల్గు న పారపరబ్రహ్మసౌఖ్యపద మన మిగులన్.

⁠

ఉ.⁠

జాతియు లక్షణంబు కళ సత్వము భావము దేశమున్ మనః ప్రీతియు భోగవైఖరులభేద మెఱుంగక వారిజాక్షులన్ బ్రీతులఁ జేయలేమి సుఖవృద్ధిని గాంతురె హాపశుక్రియన్ గోతికి నారికేళము లఘుక్రియ నబ్బినఁ గార్య మున్నదే?

⁠

క.⁠

ఆరయ సంభోగవిధాన ప్రారంభము రతి యనంగఁ బరగు దదీయా ధారమగు రసము దా శృం గారంబన వినుతికెక్కుఁ గౌతుక మమరన్.

⁠