పుట:కవిరాజమనోరంజనము (కనుపర్తి అబ్బయ).pdf/11

శ్రీరస్తు

కవిరాజమనోరంజనము

పీఠిక

⁠

కెంగేల వెలుంగుతమ్మికి జేతం జెల్వొందు చెంగల్వకున్ వ్యాకోచస్థితిసామ్యమై యెసఁగఁగా నర్కేందుబింబాక్షివీ క్షాకారుణ్యరసాప్తిఁ తత్ప్రియకు వేడ్క ల్సేయులీలానృసిం హాకారోజ్జ్వలు మంగళాద్రిపతి నిష్టావ్యాప్తికై కొల్చెదన్.

⁠ 1

చ.⁠

ఒకవదనంబుఁ ద్రిప్పి మఱియొక్కముఖాబ్జము ముద్దుగొంచుఁ బా యకయును వేడుకోగఁ బొలయల్కనెపంబున నిట్టులాస్యపం చకమును నొక్కచుంబనరసస్పృహఁ ద్రిప్పుచుఁ దత్సుఖోచితో త్సుకమున నవ్వున్చు గిరిజఁ జూచుశివుం గొలుతు న్మదార్తికై.

⁠ 2

శా.⁠

వైరాగ్యార్థవిచారవేళ మదనవ్యాపారశాస్త్రైకవా చారూపంబున లోనఁదోఁచుచు భ్రమించన్ వాణిధౌర్త్యంబు పెం పారన్ బుద్ధి నెఱింగి నవ్వుచుఁ దదీయాంగం బెదం జేర్చులో కారాధ్యుండు విరించి శ్రీకవితవిద్యాస్పూర్తి నా కీవుతన్.

⁠ 3

సీ.⁠

తనచూపులకుఁ గల్పతరుకామధేనుచింతామణు లంశమాత్రములు గాఁగఁ దనప్రసన్నతనుఁ జంద్రకలాపకమలజైశ్వర్యమహోన్నతుల్ సాక్షి గాఁగఁ దనపెంపునకు దేవతానితంబవతీకదంబంబు దాసీజనంబు గాఁగఁ దనకథావిస్తారతకు సర్వవేదశాస్త్రంబులు వందిబృందములు గాఁగఁ

⁠

తే.⁠

దనరు నేచెలి లిప్తచందనసుగంధ, సరసవిష్ణుభుజాంతరసౌధసీమ నమ్మహాదేవి పరమకళ్యాణి లక్ష్మి, చేరి మమ్ముఁ గృతార్థులఁ జేయుఁగాక.

⁠ 4