పుట:కవిజనరంజనము (అడిదము సూరన).pdf/67

59

తృతీయాశ్వాసము

మ.⁠

కరమొప్పారు నిశానవోఢకు నిశాకాంతుండు మెల్మెల్లనే కరము ల్సాఁచి తమోవినీలపట ముత్కంఠం దొలంగింప ని ర్భరలజ్జం బతిమేనిపై ధవళవస్త్రంబు న్మెయిం గప్పుకొ న్కర ణిం గ్రొందెలివెన్నెల ల్నిబిడమై కన్పట్టె నల్దిక్కులన్.

⁠ 64

సీ.⁠

కుముదినీజృంభణాంకురమూలకందంబు,                   తోయజశ్రీపశ్యతోహరుండు, సకలజీవంజీవసంజీవనౌషధి,                   చక్రవాకీమనస్తాపకార, తిమిరవారణఘటాసమదమృగేంద్రంబు,                   చిత్తజమాంద్యవిచ్ఛేదనుండు.. నఖిలదిదృక్షుజనాసేచనకమూర్తి,                   బహుళౌషధీప్రియంభావుకుండు, సురలయాఁకటికూడు, మ్రుచ్చులకుఁ గీడు, రిక్కలకు ఱేఁడు, వెలుఁగులయిక్కజోడు, లచ్చిసైదోడు, రేబోఁటివెచ్చకాఁడు, చంద్రుఁ డలరారె సత్కళాసాంద్రుఁ డగుచు.

⁠ 65

క.⁠

పొంగె బయోనిధు,లిరులు దొ లంగెను, జక్కవలగమి కలంగె, మనములం ద్రుంగె వియోగులధృతులు, చె లంగెఁ జకోరము, విధూప లంబులు గరంగెన్.

⁠ 66