పుట:కవిజనరంజనము (అడిదము సూరన).pdf/66

కవిజనరంజనము

58

క.⁠

అమరాధీశదిశాభా గమునందలి తెల్ల యపుడు గనపించె రజ స్యమృతమయూఖమిధస్సం గమసముచితహంసతూలికాతల్ప మనన్.

⁠ 59

గీ.⁠

అంబుజభవాండ మను హజారంబులోన నలరుఁగైదువపాదుషా యధివసింప సమయభృత్యుఁడు పెట్టు కెంజాయపట్టు బటువుబిళ్లనఁ జంద్రబింబంబు దోఁచె.

⁠ 60

క.⁠

అప్పుడు చంద్రుం డొప్పె న్నిప్పులకుప్పవలె విరహిణీమండలికిం జిప్పిల నమృతమునించిన గొప్పపసిఁడికుండవలెఁ జకోరంబులకున్.

⁠ 61

మ.⁠

యామవతీవధూటి బిగియారం గవుంగిటఁ జేర్చుటం దదం గామలచందనంబు మయి నంటె ననం దెలుపయ్యె బింబ మా కోమలగాత్రిగబ్బిచనుగుబ్బలకస్తురి ఱొమ్ము సోఁకెనో నామహిఁదత్కళంకము గనబడెఁ గల్వలఱేని కయ్యెడన్.

⁠ 62

క.⁠

తిమిరాపహృతికిఁ గ్రోధర సము పూనె సితాంశుఁ డుదయసమయంబునఁ ద త్తమ మెడల సహజధవళిమ నమరెన్ ద్విజరాజ కోప మతిదీర్ఘంబే?

⁠ 63