పుట:కవిజనరంజనము (అడిదము సూరన).pdf/61

53

తృతీయాశ్వాసము

⁠

నౌశీనరీవిలోకనవ్యగ్రపురంధ్రీవ్రాతంబగు సాకేతంబుఁ బ్రవేశించి పుణ్యాహవాచనపూర్వకంబుగా గృహ ప్రవేశమంగళాచారం బాచరించిన యనంతరంబ:

⁠

గీ.⁠

నిజకులాలంకరిష్ణులై నెగడినట్టి దంపతులశోభ నాగమోత్సవముఁ జూచి యింటి కేగెడుగతి వాసరేంద్రుఁ డపుడు చరమభూధరసానుదేశమున కొఱఁగె.

⁠ 43

గీ.⁠

అంత కంతకు దీర్ఘంబు లగుచు జగతి నిగుడునీడలతోడనే నిగుడసాగెఁ జక్రవాకావళీమానసవ్యథలును బాంథజనకామినీనేత్రబాష్పములును.

⁠ 44

క.⁠

కొలఁకులఁ దమ్ములతోడన నెలవుల నానావియోగినీసంఘాత మ్ముల కనుదమ్ములు మొగిడెను జలజాప్తుఁడు చరమశైలసానువుఁ జేరన్.

⁠ 45

క.⁠

జరఠారుణశోణకిరణ పరంపరలు సాగె ధాత్రి పైని రథాంగో త్కరముల మనములఁ జేరెడు స్మరపావకశిఖ లనంగ సాంద్రం బగుచున్.

⁠ 46