పుట:కవిజనరంజనము (అడిదము సూరన).pdf/48

కవిజనరంజనము

40

సీ.⁠

కస్తూరిపన్నీటఁ గలయంపిఁ జల్లించి                   ముగ్గులు ముత్తియంబుల నమర్చి, బంగారుమగరాలపగడంపుగొణిగలఁ                   గురువేళ్లఁబందిళ్లు కుదురుపఱిచి, తీరుగా మరకతతోరణంబులు గట్టి                   మేలుక ట్లంతటఁ గీలుకొలిపి, చంద్రకాంతవితర్ది సవరించి కల్యాణ                   మంటపం బొక్కఁడు మట్టుపఱిచి, పొంకముగ నిట్లు నగరం బలంకరించి పర్వతమునంతపొడవుగాఁ బరిణయార్హ వస్తువులు గూర్చి సామంతవర్గమెల్ల బ్రభున కెఱిఁగింప సంతోషభరముఁ బూనె.

⁠ 4

వ.⁠

అంత నక్కడ వసిష్ఠుండు మంత్రులం బిలిపించి హరి శ్చంద్ర వివాహమహోత్సవంబునకు నిఖిలదిగ్దేశవ సుంధరాపతులం బిలువనంపుఁడని నియోగించిన,

⁠

చ.⁠

సకలనృపాలకోటికి వెసన్ శుభలేఖలు వ్రాసిపంప భ ద్రకరితురంగమాభరణరత్నపరంపరలెల్లఁ గొంచుఁ బా యక తముఁ జుట్టుముట్టి చతురంగబలంబులు కొల్చిరా నయో ధ్యకుఁ జనుదెంచి రప్డు చతురర్ణవమధ్యమహీతలాధిపుల్.

⁠ 5

వ.⁠

అప్పుడు హరిశ్చంద్రుండు:

⁠