పుట:ఉషాపరిణయము (పసపులేటి రంగాజమ్మ).pdf/151

తృతీయాశ్వాసము

111

సీ.⁠

బలితనూభవుఁడగు బాణాసురునిపుత్రి         కలలోన యనిరుద్ధుఁ గలసి వేడ్కఁ జిత్రరేఖను జూచి చెలువునిఁ దెమ్మన్న         నళినాక్షి మాయచే నగరుఁ జొచ్చి యనిరుద్ధుఁ దోడ్కొని యప్పురంబున కేగి         యల యుషతోఁ గూర్చినట్టి వార్త బాణాసురుఁడు విని బలములతో వచ్చి         పన్నగాస్త్రంబులఁ బదిలముగను

⁠

గీ.⁠

బంచబాణునితనయుని బద్ధుఁ జేసి బయలుదేఱకయుండఁగఁ బ్రబలునైన యట్టి దనుజులఁ గావలిఁ బెట్టినాఁడు మనుమ నిటు దోడితెమ్ము నీ మహిమ మెఱయ.

⁠ 127

వ.⁠

అని పల్కిన.

⁠

సీ.⁠

బలభద్రుఁ డప్పుడు పంతంబు లాడుచు         ముసలంబుఁ ద్రిప్పెను మొక్కలమున సమరంబులో దైత్యు సమయఁజేయుదు నంచు         సాత్యకి లేచెను సంభ్రమమునఁ బట్టినిఁ జెఱపట్టు ప్రబలుఁడౌ దానవుఁ         బట్టి తెచ్చెద ననెఁ బంచశరుఁడు బాణునిఁ గూల్చెద బాణాగ్నిచే నని         సాంబుండు పలికెను సాహసమున

⁠

గీ.⁠

మఱియు గృతవర్మ మొదలైన మనుజపతులు శోణితపురంబునను గల్గు శూరవరులఁ జెండుబెండాడి మిక్కిలిఁ జేవమెఱయ నల్ల యనిరుద్ధుఁ దోడ్తెత్తు మనుచుఁ బల్క.

⁠ 128