కోపావిష్టుండగు బాణాసురుని యాజ్ఞచే దైత్యు లనిరుద్ధుని బంధింప నేగుట
సీ. |
అనవుఁడు గోపించి యసురేంద్రుఁ డవ్వేళ
నద్దిరా! బలిపుత్రు నంతవాని
నగరుఁ బ్రవేశించి నడుమేడలోపలఁ
దగు నుషాకన్యకఁ దాను గూడి
తనకులంబునకు నెంతయు నిందఁగావించె
నదిగాక భయలేశమైన లేక
నను సడ్డసేయ కింతయు నున్నచెల్వెంచ
నింత సాహసవంతు లేరి జగతి
|
|
గీ. |
ననుచుఁ బల్కుచుఁ గంటఁ గెంపతిశయిల్లఁ
జజ్జ మెఁలగెడు దనుజులఁ బారఁ జూచి
మీరు మీసాధనంబులు మెఱయఁ బూని
యమ్మహాబలుఁ బట్టితెం డనుచుఁ బల్కె.
| 62
|
క. |
దనుజాధీశుని పంపున
దనుజులు వివిధాయుధములుఁ దాలిచి వెస నీ
మనుజుని బట్టుఁడు పొడువుం
డనుచున్ హరిపౌత్రుఁ జేర నరిగిరి కినుకన్.
| 63
|
దైత్యబలములఁ జూచి యుష కలఁగఁగా ననిరుద్ధుఁడు ధైర్యము చెప్పుట