118
ఉద్భటారాధ్యచరిత్రము
| | నిన్నుఁ గన్నాని రప్పింప కుప్పొంగి దర్పించి క్రించుందనం బొందుచున్ మందభాగ్యోదయత్వంబునన్ బన్ని జన్నంబు సేయంగ నంగీకృతోద్యోగియై యున్న మిన్నంది కందర్పదుర్వారదోర్గర్వ సర్వస్వసంహారవిద్యాసముద్యుక్తనేత్రంబుతోఁ జిత్రచిత్రోన్నతిం బొల్చి పెల్చన్ జగత్కంపవిశ్రేణియై తూలు నుద్యజ్జటాశ్రేణితో నేణభృత్ఖండమల్లీప్రనూనోల్లసద్గండభాగంబుతో భోగపట్టాంచలలోదంచదుద్దండ మాణిక్యరేఖామయూఖావళీకీర్ణనిర్నిద్రచక్షుశ్శ్రవోహారపుంజంబుతోఁ గంజగర్భాండగర్భప్రభేదక్రియాభీమభూమాది దిక్సామజోద్దామశుండాభచండోజ్జ్వలన్మండలాగ్రాదిదీపాయుధస్తోమ సమ్మోహితారాతిదృగ్వ్యూహబాహాసహస్రంబుతో దుస్సహం బై మహోత్సాహమై సాహసాధిష్ఠితంబైన శ్రీవీరభద్రాకృతిం దాల్చి సన్మానముం గన్నని న్నెంతవాఁడైన నింతంతనంజాలునే కాలకంఠా! నృకంఠీరవోద్రేకవిద్రావణామర్త్యవిద్విట్ఛిరఃపద్మపూజావిరాజత్పదాంభోజ! యంభోజసంభూతమూర్ధంబు భిక్షాటనప్రక్రియాపాత్రగా గోత్రభృత్క్రూరకంకాళముం దాళమై యొప్పు చేముట్టుగా దిట్ట యాశీవిషాధీశుఁ డంఘ్రిస్థలిన్ గండపెండేరరాజంబుగాఁ దేజముల్ గ్రమ్మ శార్దూలపుందోలు పైఁ జాలఁగాఁ గ్రాల ఫాలాస్థివారంబు తోరంపుగ్రీవన్ మహాహారముఖ్యంబుగా విశ్వచక్షుర్భయాపాదియౌ నాశ్మశానంబు ధామంబుగాఁ జేసి యెవ్వారికిం దేరిచూడంగరానట్టి దట్టంపురూపంబుఁ బ్రాపించియున్ ముక్తదుస్సంగుఁడై భక్తియుక్తాంగుఁడై కొల్చుధీశాలికిన్ సౌమ్యవిస్ఫూర్తి వర్తింతు వార్తార్తిహారీ! పురారీ! విరూపాక్ష! వక్షోజచక్రంబులన్ జారునేత్రాసితాబ్జంబులన్ వక్త్రపద్మంబునం గుంతలోత్తాలశైవాలజాలంబునన్ బాహువల్లీమృణాళంబులన్ బంధురోష్ఠాచ్ఛ బంధూళ పుష్పచ్ఛటన్ మందహాసామృతస్యంద | |
