పుట:ఉద్భటారాధ్యచరిత్రము.pdf/253

20

ఉద్భటాచార్యచరిత్రము

గీ.⁠

ఇసుక చల్లిన రాలక పసరుడాలు నాకు దళసరి హస్తిచర్మాంబరముగ నలరి సాక్షాత్కరించిన హరునిఁ బోలి పాదుకొనియుండు నక్కొండఁబాదపములు.

⁠ 80

సీ.⁠

వరయోగశక్తి శంకరు మనఃపద్మంబు         పై జేర్చి మోదించు పాశుపతులు హరసమారాధనాయత్తులై సందడి         గా విహారము సల్పు దేవముఖ్యు లఖిలదర్శనములయందు నిందుధరుండె         పరతత్త్వమని చూచు పరమమునులు నిటలలోచనుని తొల్లిటివిజయాంకంబు         లమరఁబాడుచు నాడు ప్రమథవరులు

⁠

గీ.⁠

పావడంబులు గెల్చి ప్రాభవము దాల్చి భవునిసారూప్యమున నుండు భక్తజనులు గలిగి జగదేకకల్యాణకరవిభూతి లక్షణంబుల మించుఁ గైలాసశిఖరి.

⁠ 81

చ.⁠

గుహగణమాతృకావలులు కుంజరవక్త్రుఁడు భృంగియున్ మహా మహిమయుతుండు నందియు సమంచితభక్తి సమృద్ధిఁ గొల్వ న య్యహివలయుండు శంభుఁడు హిమాద్రిసుతారమణుండు తద్గిరిన్ రహి వహియించియుండు సురరాజముఖామరపూజితాంఘ్రియై.

⁠ 82

క.⁠

చిగురులఁ గ్రొవ్విరిగుత్తుల నగజాధిపుఁ బూజసేయ నరుదెంచె ననన్ దగి యొక్కకాలమున నా జగతీధరవనములన్ వసంతము దోఁచెన్.

⁠ 83