పుట:ఉద్భటారాధ్యచరిత్రము.pdf/254

ప్రథమాశ్వాసము

21

సీ.⁠

భవుఁ గొల్చువారల పాతకంబులరీతి         రమణఁ గారాకులు రాలెఁ దరులఁ బార్వతీపతిమీఁదఁ బ్రాజ్ఞుల కనురాగ         మునుబోలె నిగురెత్తె భూరుహములు నీశానభక్తులయిండ్ల సంపదలీలఁ         గలయంగ ననుచుట గలిగెఁ జెట్ల శశిమౌళిదాసుల సంకల్పములభంగి         ఫలియించె నందంద పాదపములు

⁠

గీ.⁠

సకలపాదపవికసితస్వచ్ఛగుచ్ఛ సాంద్రమకరందరససమాస్వాద ముదిత మత్తమధుకర జేగీయమాన మగుచు మించి మధుమాస మావిర్భవించె నపుడు.

⁠ 84

క.⁠

కుసుమితరక్తాశోక ప్రసక్తిచేఁ బొలుపు మిగులు బంభరగణముల్ కుసుమాయుధ [ప్రేమసరా?] గ్ని సముద్ధితధూమవితతికిని బోలికయై.

⁠ 85

గీ.⁠

బాలచంద్రకళాకలాపమునఁ బొల్చి గమియఁ గరితోలు నెమ్మేనఁ గప్పుకొన్న హరుని నడకించె మొగ్గల నతిశయిల్లి నీలరుచి మీఱు మునిధారుణీరుహములు.

⁠ 86

క.⁠

కురివిందకమ్మఁదీగెలు నరవిందము ననఁగి పెనఁగ సహకారంబుల్ గిరివరతనయాలింగిత హరమూర్తిం దలఁపఁజేసె నామనివేళన్.

⁠ 87