పుట:ఉత్తరహరివంశము.pdf/75

20

ఉత్తరహరివంశము

⁠

బది నాదారవయంత్రపీఠ మది నాయైణోత్తరీయాజినం బది నారాంకవకంబళం బని పదార్థాలోకనవ్యగ్రులై.

⁠ 112

వ.⁠

వేఱువేఱ యెఱింగించి.

⁠ 113

క.⁠

నారాయణ! నీమన్నన కారణముగ నేము బదరికావనభూమిం జేరితిమి నరకుఁ డిమ్మెయిఁ గారించెం దనకుఁ జేటుఁగాలంబునకున్.

⁠ 114

క.⁠

నీతోఁ జెప్పినయంతకు మాతలఁపులు దుఃఖజలధిమగ్నంబులు గా కాతల నాతలఁ కేలా దైతేయాంతకుఁడ వెల్లతగవుఁ దెలియవే.

⁠ 115

వ.⁠

అని మునిలోకంబు శోకంబు గ్రోధంబును బోధంబు సడలింపజేయ నిలింప వైరి తెఱం గెఱింగించుటయును.

⁠ 116

మ.⁠

అరుణాంభోరుహపత్రనేత్రుఁడు సముద్యద్భ్రూకుటీభంగభా సురఫాలస్థలుఁడుం జలాచలమనశ్శూలాయమానవ్యధా పరివేషాననభానుమండలుఁడు నై ప్రత్యక్షరౌద్రం బనన్ నరకాలంభవిజృంభణంబు నెఱపెన్ నారాయణుం డాకృతిన్.

⁠ 117

వ.⁠

అప్పు డప్పరమపురుషుం గొనియాడం దలంచి యత్తాపసోత్తము లిట్లనిరి:

⁠ 118

సీ.⁠

పన్నగంబుల రాజు! బగవాఁడఁ గూడి నీ                  శయనంబుఁ బయనంబు నంతరింప దుగ్ధవారాశికూఁతురు నాలుఁ గూడి నీ                  శరణంబుఁ జరణంబు సవదరింపఁ దామరపగవాఁడు దయితుండుఁ గూడి నీ                  బడి చూపుఁ గుడి చూపుఁ [1]బరిఢవింపఁ జందురుచెలికాఁడు సయిదోడు గూడి నీ                  యుల్లంబు మొల్లంబు నుపచరింప

⁠

1. బరికరింప