పుట:ఉత్తరహరివంశము.pdf/58

ప్రథమాశ్వాసము

3

⁠

వియ్య మని శిష్యుఁడని కాచి విడిచె నతని సీరపాణితో రాజులు చెనయువారె.

⁠ 9

గీ.⁠

అతఁడు నాఁగట నెత్తినయంతనుండి యేటి ది[1]క్కున కంతయు నెగసియుండు హస్తినాపురి; యది యేల యమున నాఁటఁ గోలె మథురాపురము చుట్టికొంచుఁ బాఱు.

⁠ 10

క.⁠

హలపాణిమహిమ చెప్పం గలవా రెవ్వరు పురాణకథలన్ మఱియుం దెలిసికొనుము నేఁ జెప్పక నిలిచినచోటులు వివేకనిర్మలబుద్ధిన్.

⁠ 11

క.⁠

అనుటయు నా జనమేజయ జనపతి యిట్లనియె; రుక్మి సచ్చిన మగుడం జని యాదవనగరంబున జనార్దనుం డేమి సేసె సౌజన్యనిధీ?

⁠ 12

వ.⁠

అనుటయు వైశంపాయను డిట్లనియె.

⁠ 13

మ.⁠

తనవీటన్ హరియుండ రాక్షసులు రత్నస్వర్ణసందోహమున్ వినతిం గప్పము దేరఁ బుచ్చికొనెఁ దద్విఘ్నంబుఁ గావించినన్ వనదత్తాఖ్యుల దైత్యులం దునుమ నోర్వంజాల కంభోరుహా సనుచేతన్ నరకుండు లబ్ధవరుఁడై చాలెం గ్రియాహానికిన్.

⁠ 14

మ.⁠

అతఁ డంతంతకు వాలి వాలుబలిమిన్ హాలాహలాహంక్రియా ద్భుతభంగిన్ వివిధాస్త్రధారలు సమిద్భూమిన్ వెలార్చుం బ్రభా పతితీవ్రద్యుతి సోదరరాప్తరథినీపాదాంతకుంతంబులం బ్రతివీరప్రమదాకపోలఫలకప్రాంతాలకాంతంబులన్.

⁠ 15

మ.⁠

ధనదాంతఃపురణారహారములు యాదఃపాలబాలాఘన స్తనకాశ్మీరము ధర్మరాట్కులవధూసంవ్యానకౌశేయమున్

⁠

1. క్కంతకంతకు