పుట:ఉత్తరహరివంశము.pdf/265

210

ఉత్తరహరివంశము

క.⁠

[1]దెస చెడి మైందద్వివిదులు నసిలోమపులోములును హయగ్రీవుండున్ [2]వసి మాలి సౌంభసాల్వులు నిసుంభ నరకులును జెడిరి నీ ఖడ్గమునన్.

⁠ 292

గీ.⁠

మఱియుఁ గొందఱు నీచేత మడిసి రందు మిడి యడఁగఁ జొచ్చి తమసూడు దడవలేరు పారిజాతంబు దెచ్చుచో బ్రదికి పోయె నిర్జరాధీశుఁ డొకరుఁడు నిన్నుఁ దాకి.

⁠ 293

శా.⁠

నాకుం జూడ మనంబునం గుటిలుఁడై నాకేశుఁ డిబ్బాలుఁ దా నే కొంపోయినవాఁడు వాఁడు దగువాఁడే గౌతమస్త్రీరహ స్స్వీకారాదులు తచ్చరిత్రములు నాచేఁ గ్రొత్తగా నేల క ర్ణాకర్ణికగథలందు మున్ను వినవే నానాప్రకారంబులన్.

⁠ 294

వ.⁠

అనుటయు దనుజవైరి విచారించి నిట్టూర్పు నిగిడించి.

⁠ 295

క.⁠

నాతండ్రీ సురపతిపై నే తప్పును లేదు మన మనేకవిధములన్ దైతేయవధము చేయుట యాతని కార్యంబ మనల నతఁడు విడుచునే.

⁠ 296

వ.⁠

అట్లుం గాక.

⁠ 297

గీ.⁠

ఉత్తముండు హితము చేసి యూరకుండు మధ్యముండు హితము చేసి మాఱు వెదకు నధముఁ డొరుచేయుహిత మైన నణఁచి పుచ్చు హితమునకు నెగ్గు చేయువాఁ డెవ్వఁ డగును.

⁠ 298

క.⁠

చేసినమే లెఱుఁగుదు రొరు గాసింపరు కుచ్చితంపుఁ గఱద లెఱుఁగ ర

⁠

1. శస
2. నసి మాలి