పుట:ఉత్తరహరివంశము.pdf/221

శ్రీరస్తు

ఉత్తరహరివంశము

పంచమాశ్వాసము

⁠

శ్రీనిశ్రేయనకాంక్షా నూనవ్రతభార దక్షిణాదార నవ ర్యానందితచేతో[1]ని ధ్యానతనుద్యుతినవీన హరిహరనాథా!

⁠ 1

క.⁠

జనమేజయుఁ డిట్లను న మ్మునితో హరివర్ణనంబు మును పలుమాఱున్ విని తనియదు మది గ్రమ్మఱ వినఁ గోరెద ననుడు నతఁడు వేడుకతోడన్.

⁠ 2

వ.⁠

మున్ను మురాంతకుండు చేసినలావు లెన్ని యెన్ని.

⁠ 3

క.⁠

ఏణాంకధరుఁడు దోడుగ బాణుఁడు మొగరింప బాహుపంక్తి[2]శతంబున్ క్షీణముగ నఱికి వానిం బ్రాణముతోఁ బట్టివిడిచె బలిమథనుఁ డనిన్.

⁠ 4

వ.⁠

అని మఱియుం గుమారుండు సహాయుం డగుటయుం బరమేశ్వరుండు నిత్య సాన్నిధ్యంబు చేయుటయుం గాత్యాయని జననీత్వంబు నొందుటయును నతనికి గాణాపత్యంబు గలుగుటయు నెఱింగించి యింతపట్టునుం గలుగునతండు హరిచేత హతుండయ్యె ననుటయు జనమేజయుండు తత్కథాశ్రవణకుతూహలి యైన నా వైశంపాయనుం డిట్లనియె.

⁠ 5

సీ.⁠

బలితనూజుం డైనబాణాసురుఁడు దొల్లి                  కార్తికేయుని శూలి గారవించి

⁠

1. విద్యానంతధ్యానరూప
2. శతంబ, క్షీణిగతి