పుట:ఉత్తరహరివంశము.pdf/212

చతుర్థాశ్వాసము

157

⁠

సాయంతనం బనుజాలరి జలధిలోఁ                  బచరింప వల డిగ్గఁ బాఱినట్లు పొడ వైనయాకాశభూరుహంబున సంధ్య                  గోయంగ గొల [1]ద్రెవ్వి కూలినట్లు చరమదిగ్భేతాళకరమున వరుణుండు                  గడిపెట్టఁ బొల పొట్ట నడఁగినట్లు

⁠

తే.⁠

క్రుంకుగుబ్బలిపారకి కొప్పరించి పట్టజాలక వైచిన బ్రద్దపరికిఁ బాటియగుచు ముగురపొత్తు పళ్ళెరంబు భానుమండల మంతఁ జూపట్ట దయ్యె.

⁠ 271

క.⁠

ముఱుముఱుచీకటితో నం దఱురాజులు సమర ముడిగి తగ నెల్లిటికిం గొఱ గలకలనగు నడవుఁడు నెఱవగు గోవర్ధనాద్రి నేలకు ననుచున్.

⁠ 272

క.⁠

రెండుబలంబులవారలు నొండొరులకుఁ జెప్పు నప్పు డుద్ధతమతు లై రండనఁగ్ర హంసడిభకుల దం డాగోవర్ధనాద్రితటమున విడిసెన్.

⁠ 273

మ.⁠

హరి యారాత్రి బలంబుఁ బుష్కరతటాకారణ్యమధ్యంబునన్ వెరవారన్ విడియించి ఱేపకడఁ బృథ్వీనాథు లెల్లం దనున్ గురుసన్నాహబలంబుతోఁ గొలువఁ దద్గోవర్ధనోద్యన్నగాం తరభూమిన్ యమునాతటంబున సమాధానంబుగాఁ బన్నినన్.

⁠ 274

గీ.⁠

హంసడిభకుల బల మెల్ల నాయితముగ మోహరము చేసి నడచిన మొనలు రెండు దలపడి భయంకరంబుగ దారుణాస్త్ర శస్త్రపాతంబుచేత నుత్సాహ మెసఁగ.

⁠ 275

1. నేలగూఁలి