పుట:ఉత్తరహరివంశము.pdf/197

142

ఉత్తరహరివంశము

వ.⁠

అనుటయుం గనుంగవం గినుక నిక్క నక్కుమారయుగళంబు గిటగిటాయ మానదంతంబును జటులభ్రుకుటివికటనిటలంబును నిబిడదీర్ఘతరనిశ్వాసంబును నిష్పేషణభీషణకరతలంబును నిర్గళితఘర్మజలకణకలుషితకపోలంబును నగుచు నవుడుగఱచి యిట్లున్నభంగిన పగఱం బరిమార్తు ననుచుండె నప్పుడు హంసుండు సాత్యకితో నిట్లనియె.

⁠ 204

ఉ.⁠

ఓరి దురాత్మ! నీకుఁ దెగ నొల్లక యుండుట నీ పరాక్రమం బారసి కాదురా వెఱవకాడుము దూతుఁ డవధ్యుఁ డెందు నీ వీరుల నిన్నుఁ జమ్మెటనె వ్రేయుదు డాయుదుఁ బోర శౌరికిన్ సీరికి బాహుసార మెడసేయుదుఁ జేయుదు రాజసూయమున్.

⁠ 205

మ.⁠

వినురా సాత్యకి! మాట లేమిటికిరా వేదండకోదండకే తనసంకేతనరేంద్రనూతనబలోదగ్రంబుగా మోహరిం ప నవశ్యంబును వత్తుఁ బుష్కరసరఃపార్శ్వంబునం దెల్లి గొ ల్లెన లెత్తింతు విరోధు లంబునిధివెల్లిం [1]డొల్లఁ జల్లింపఁగన్.

⁠ 206

వ.⁠

అనుటయు డిభకుండు.

⁠ 207

చ.⁠

విడు విడుమంచు నా మొనలవీరులు పోరులు గోరుచున్న వా రెడపడకుండ మి మ్మిచట నెన్నితి [2]కొందఱ సిగ్గు గాదటే గొరగులు దప్పఁ బట్టినను గోటగ నేనిక [3]తెట్టువెట్టినన్ బడుగులు మీరు చూడ హరిపాపటపై నడిదంబు వెట్టుదున్.

⁠ 208

వ.⁠

అనుటయు సాత్యకి కోపించి.

⁠ 209

చ.⁠

కడఁగితి [4]దౌత్యము న్నెఱపఁ గాన సహింపకపోదుఁగాక నా కడిదము చేత నుండఁగ మురారి విరోధులఁ బట్టి పూవునుం [5]దొడిమయుఁ జూపకున్న నది ద్రోహము పందెము వేసి తుండము ల్దడఁబడకుండ మిమ్ముఁ బెడధారన వ్రేయుదు నేమి చేయుదున్.

⁠ 210

వ.⁠

అనుటయుఁ గోపంబులు రూపంబులు గైకొన్న తెఱంగున నాహంసడిభకులు సాత్యకితో వీ వింక సంగరసన్నాహంబున సకలసైన్యంబుల సమకూర్చుకొని పుష్కరసరోవరంబునకు రమ్ము చావునకుం దప్పితివి పొమ్మనుటయుం గనలి కల

⁠

1. పుల్లఁ
2. రున్నఁగ; నీకును
3. తట్ట
4. ధౌర్త్య
5. దొడమయుఁ