పుట:ఉత్తరహరివంశము.pdf/186

చతుర్థాశ్వాసము

131

సీ.⁠

యదుకులాంబుధిచంద్రు నానందమునఁ జూచు                  రామాదిహితచకోరములలోన దనుజారిపారిజాతముఁ జేరి పొదిగొన్న                  రాజన్యరాజకీరములలోన వసుదేవసుతసరోవరములో నోలాడు                  సనకాదిదివ్యహంసములలోన గోపాలనవపుష్పగుచ్ఛంబు మూఁగిన                  పరిచారికాద్విరేఫములలోన

⁠

తే.⁠

గలయఁ దొలుబామునోములు గలవుగాన సెలవు లేక జన్మంబులు చెడియె నాకు మీఁద జన్మంబు గలుగ నిర్మించె నేని కమలజుని పేర దాపటికాలిబొమ్మ.

⁠ 137

సీ.⁠

వెలిదమ్ములో లేఁతవెన్నెలో యమృతమో                  కన్నులో చిఱునవ్వొ కనికరంబొ గగనమో చుక్కలో గ్రహరాజబింబమో                  వక్షంబొ మౌక్తికావలియొ మణియొ తరగలో ఫేనమో తరణిమండలమొ హ                  స్తములో శంఖంబౌ సుదర్శనంబొ తలిరులో కరికరంబులొ కుంకు[1]ముప్రభయొ                  పదములొ యూరులో పచ్చఁబట్టొ

⁠

ఆ.⁠

యనుచుఁ గన్నులార నాజగన్నాథునిఁ గనుగొనంగ నేఁడు గలుగు గాన తలఁపులోన మున్ను దలఁచినరూపంబు పట్టువడుట జన్మఫలముగాదె.

⁠ 138

వ.⁠

అని వర్ణించుచుం జని ద్వారకానగరప్రవేశంబు చేసి యదువల్లభునగరివాకిట హయావతరణంబు చేసి తనరాక యెఱింగించి పుచ్చి యద్దేవదేవునియనుమతంబున సభామండపంబునకుం జని జనార్దనుండు.

⁠ 139

1. మ ప్రభో