పుట:ఉత్తరహరివంశము.pdf/122

ద్వితీయాశ్వాసము

67

మ.⁠

అనుచున్ లోచనపుండరీకములలో నానందబాష్పాంబువుల్ తనుసీమం బులకాంకురంబులుఁ బ్రమోదంబుం బ్రకాశింప న వ్వనజాక్షుండు చెలంగుచుండఁ గని సర్వజ్ఞుండు యోగీంద్రవా ఙ్మనసాగమ్యుఁడు కేలుఁ గేలఁ గదియ న్మన్నించెఁ గృష్ణుం గృపన్.

⁠ 177

క.⁠

ఇత్తెఱఁగున నయ్యరువుర చిత్తముగతి నొడలు గలసి సిద్ధాంతపరా యత్తు లగు మునుల యెఱుకకు విత్తై చెలువారె జమిలివేల్పని తెలుపన్.

⁠ 178

వ.⁠

అట్టియెడ.

⁠ 179

సీ.⁠

అభ్రంకషం బైనయాలపోతు నితండు                  తుంచినాఁ డీతండు పెంచినాఁడు సాధుసమ్మతముగా సామజంబు నితండు                  గాచినాఁ డీతండు ద్రోచినాఁడు బర్హిర్ముఖార్థమై పర్వతేశు నితండు                  దాల్చినాఁ డితండు వ్రాల్చినాఁడు ఫణపరంపరతోడి పన్నగేంద్రు నితండు                  మెట్టినాఁ డితండు సుట్టినాఁడు

⁠

తే.⁠

నేఁడు నాఁడును నాఁడును నేఁడు మనకుఁ జూపఁ జెప్పంగఁ జెప్పంగఁ జూపఁ గలిగె ననుచుఁ గొనియాడు సంయమిజనుల కొదవె రజతగిరిమీఁద హరిహరారాధనంబు.

⁠ 180

సీ.⁠

సారసంబున లేవ నారసంబునఁ జావఁ                  బద్మాసనుఁడు వీరిపాలఁ గనియె రూపు గంటఁ జెలంగఁ జూపు మంట లడంగఁ                  బంచబాణుఁడు వీరిపాలఁ గనియె వరములు వడయంగ శరములు గెడయంగఁ                  బంక్తికంఠుఁడు వీరిపాలఁ గనియె గేహరక్ష నటింప దేహశిక్ష ఘటింప                  బాణాసురుఁడు వీరిపాలఁ గనియెఁ

⁠